Þótt vélin taki nánast allt úr eldhúsinu, getur uppþvottavél líka skemmt góð áhöld og eins eru það hreinlega sumir hlutir sem ekki eiga að fara í vélina. Þið kannist líka við það þegar áhöld verða mött í áferð. Mjög líklega er það eitt skýrasta dæmið um að það er áhald sem á ekki að fara í vélina.
Hnífar eru viðkvæmari en þú heldur. Uppþvottavélin eyðir af hnífablöðunum og því fer betur með þá að vaska þá bara upp. Eins eiga beittir hnífar það til að gera skrámur í aðra eldhúshluti sem eru í vélinni.
Uppþvottavélin hreinsar húðina af álpottum og pönnum og álið fer að ryðga.
Áður en þú setur viðaráhöld í uppþvottavélina, skaltu lesa á umbúðirnar hvort áhaldið þoli uppþvottavél. Í flestum tilfellum er vatnið í vélinni of heitt fyrir þessi áhöld.
Kristalglös eða handgerð glös og diskar eiga ekki að fara í uppþvottavélina. Það kvarnast upp úr þeim og þú gætir því allt eins tekið áhættuna á því að láta þau detta í gólfið og athuga hvort þau brotni ,,nokkuð.” Þetta er stell sem þú vilt örugglega fara vel með og fyrir utan hættuna á því að það brotni upp úr glösunum, getur heitt vatnið eyðilagt glansinn.
Eitt af því sem er svo frábært við teflon potta og pönnur er að það festist lítið við þessi áhöld. En þessi eiginleiki hverfur í uppþvottavélinni, því heitt vatnið hreinsar smátt og smátt þennan eiginleika af hlutunum.
Ef þú átt gullhúðað hnífaparasett, þá hefur þú örugglega keypt það vegna þess að það er gyllt. Sá glans er fljótur að dofna, verða mattur og að lokum eyðast í heitu vatninu í uppþvottavélinni.
Fín bitin í góðum steikarhnífum fara illa í uppþvottavélinni. Strangt til tekið er því betra að vaska þessa hnífa upp á gamla mátann. Alla vega ef þú vilt halda gæðunum.
Ekki aðeins eyðileggjast formin hvort eð er í uppþvottavélinni, heldur geta þau einnig eyðilagt útfrá sér og skilið eftir svartar rendur á öðrum áhöldum þegar formin skoppast í uppþvottavélinni og heitu vatninu.
Einnota plastumbúðir eða dósaumbúðir eru ekki umbúðir til að setja í uppþvottavél. Ef þú vilt eiga þessar umbúðir, er þetta bara spurning um að þvo umbúðirnar upp á gamla mátann.
Kaffi- og matarstell með gylltum röndum er í hættu á að eyðileggjast í uppþvottavélinni. Heita vatn vélarinnar getur smátt og smátt hreinsað gyllinguna af, stundum aðeins að hluta sem þýðir að gyllta stellið þitt er engan veginn jafn fallegt og áður.
Heimild: spyr.is